Ordførar med innsiktsfullt foredrag om kommuneøkonomi og beredskap
Ulstein Rotaryklubb fekk måndag 19. mai besøk av ordførar Stian Skorgen Scheide, som heldt eit engasjerande og innsiktsfullt foredrag om tilstanden og utviklinga i Ulstein kommune – med særleg vekt på økonomi, demografi og beredskap.
Ordføraren informerte forsamlinga om dei økonomiske realitetane kommunen står i, med særleg fokus på perioden 2016–2025. Gjennom ei sektorvis oversikt synte han korleis utgiftsbehovet har utvikla seg, og kva område som legg størst beslag på budsjettet. Grunnskule og pleie og omsorg er dei to største utgiftspostane – ein trend som ser ut til å halde fram i åra som kjem.
Scheide løfta og fram utfordringane knytt til befolkningsutviklinga, og viste til framskrivingar heilt fram til 2035. Det vart peika på korleis endringar i alderssamansetting påverkar behovet for tenester, og korleis ein veksande del eldre i befolkninga vil stille høgare krav til kommunen si evne til å levere helse- og omsorgstenester.
For barn og unge kunne ordføraren vise til at det vert forventa vekst dei komande åra, noko som vil krevje auka kapasitet og ressursar i både barnehage og skule.
I tillegg var beredskap eit viktig tema. Scheide understreka behovet for robust planlegging og førebuing, og korleis kommunen jobbar for å stå best mogleg rusta i møte med uforutsette hendingar.
Foredraget vart godt motteke blant dei frammøtte, og det var tydeleg at ordføraren sitt engasjement og kunnskap skapte refleksjon.
Ordførar Stian Skorgen Scheide og tidligere President Stig Ole Borgundvåg.
Ulstein Rotaryklubb takkar for besøket, og ser fram til vidare dialog og samarbeid med kommunen.
Bilete: Synnnøve Riise
18. september 2022
Distriktsguvernørskule og Rotary Action Summit på Island
Lidun Hareide og Synnøve Riise har vore på distriktsguvernørskule og Rotary Action Summit på Island denne veka!
29. august 2022
Besøk av DG Gunhild Aalstad
Ulstein Rotary hadde eit oppløftande møte med Gunhild Aalstad (Distriksguvernør 2022/2023).
22. august 2022
Kaffimøte
Orientering om komitesammensetning, med etterfølgende god prat og diskusjoner rundt bordet.
15. august 2022
Åpning av Rotaryåret 2022/2023
President Arnfinn Godø holdt orienteringsmøte vedr. planene for det nye Rotaryåret.
20. juni 2022
Presidentskifte
President Thor Martin Eidem overlet roret til Innkomande President Arnfinn Godø
30. mai 2022
«Ecologically restorative urchin aquaculture»
Denne kvelden fekk Ulstein Rotaryklubb besøk av Brian Tsuyoshi Takeda, grunnleggjar og administrerande direktør i det globale selskapet Urchinomics, som har hovudkontor i Ulsteinvik.
23. mai 2022
Møte i Bugardshuken, og tur rundt Osberget
Kaffimøte med sjokolade og diskusjoner om framtidige prosjekt. Flott tur rundt Osberget for å inspisere stien som kanskje snart har behov for litt ny omsorg.
9. mai 2022
Rotary Medlemsnett og My Rotary.
Stig Ole Borgundvåg heldt eit lærerikt foredrag om Rotary Medlemsnett og My Rotary.