Ulstein Rotary kaffimøte den 11-11-2024
Styremøte og førebuing til årsmøte
President Thor Martin Eidem opna møtet med å gje eit samandrag frå styremøtet tidlegare på kvelden. Fokus var retta mot årsmøtet som skal haldast måndag 9. desember 2024. Styret har fastsett saklista og årsrekneskapen for perioden 2023-2024. Desse dokumenta vil bli sendt ut til medlemmane i god tid før årsmøtet.
President Thor Martin Eidem
Økonomisk status og organisering
Klubben sin økonomi for 2024/2025 vart presentert, og situasjonen er stabil. Oversikt over medlemmenes plassering i ulike komitear vart også lagt fram, slik at alle har klart for seg sitt ansvar og bidrag.
Mål og planar
Utveksling og ungdomsprosjekt
Ulstein Rotaryklubb vil ikkje ta ansvar for ungdomsutveksling i perioden 2025/2026, men har sett det som eit mål å førebu seg for utvekslingsprogrammet i 2026/2027. Samstundes er klubben positive til å bidra med deltakarar til RYLA (Rotary Youth Leadership Awards) våren 2025 og eventuelt sommarleir for studentar på Sunnmøre i 2025. Ei eiga arbeidsgruppe vil bli etablert for å ta seg av førebuingane til framtidige utvekslingsprogram.
Dugnad ved Osberget
Den nye turvegen til Osberget er no ferdig, men restar etter rydding ligg framleis langs stien. Presidenten vil kontakte Leiv Ringstad for å undersøke om klubben kan ta ut stokkane, kløyve dei til ved og overlever for utdeling hausten 2025. For å få dette til, treng vi både dugnadsinnsats, utstyr og ein lagringsplass til tørking av veden. Dette kan verte ein gyllen anledning for klubben til å bidra positivt til lokalsamfunnet. Ikkje minst, ein klubb med både hjarte og handling på rette staden.
Blå refleksvestar til klubbens aktivitetar
Det er kjøpt inn 20 blå refleksvestar som no er tilgjengelege for medlemane. Vestane, som har ein salspris på 220 kroner per stykk, kan nyttast under dugnader, arrangement og synleggjere klubben sitt engasjement i nærmiljøet.
Klubbmedlem Synnøve Riise og Otto Kjetil Nytun med dei blå vestane
12. mai 2021
President Lidun Hareide og Hagearkitekt Hiljerd Holt Myrene med ekstradugnad :)
Lidun og Hiljerd har i dag fylt på med jord og fleire blomar i kumringbeda.
10. mai 2021
Overlevering av første byggetrinn av "Rotaryhagen"
Etter dugnaden i dag overleverte Ulstein Rotaryklubb første byggetrinn av ein vakker og tenleg hage – som vi i fellesskap med fleire samarbeidspartnarar har fått laga til glede for bebuarane i leilegheitskomplekset.
9. mai 2021
Holsekerdalen 20 - Hageprosjekt
Ein hage som kan stimulere sansar og minner, men som også kan fungere som motivasjon til å rusle seg ein liten tur, og der det er tilrettelagt for koselege sitteplassar.
3. mai 2021
Besøk på Dalsfjord Fyrmuseum
I dag besøkte vi Dalsfjord Fyrmuseum, og fekk en flott omvisning av Frode Pilskog.
26. april 2021
Ekstraordinært årsmøte: Nye Retningslinjer og Vedtekter
Ulstein Rotaryklubb hadde i dag ekstraordinært årsmøte for å vedta våre nye Retningslinjer og Vedtekter.
12. april 2021
Skattemeldingen 2020
Thor Martin Eidem holdt tradisjon tro en meget god presentasjon, og diskuterte rundt skattemeldingen 2020, og dei største endringane som kommer i 2021.
22. mars 2021
Kyrkjebakkespel for Ulstein
Dagfinn Olav Bye, Ståle Helvik og Jan Ove Ulstein held orientering om det fantastiske Kyrkjebakkespelet dei skal ha på Sjøborg til neste år!
15. mars 2021
Kaffimøte med litt informasjon
President Lidun Hareide ønskte velkomen.
Var veldig kjekt å kunne å møtast igjen!
Dagfinn Olav orienterte litt om programmet for våren, ellers gjekk praten livlig rundt borda :)
3. januar 2021
Vårens Program frå Dagfinn Olav Bye
Siste oppdatering: Vi starter opp igjen med møteaktivitet f.o.m. 15 mars 2021.
Vårens spennande program i Ulstein Rotaryklubb er no klart.
Møtene i starten av året måtte vi dessverre avlyse grunnet gjeldende nasjonale korona-restriksjoner.