En del av gjengen som var så heldige å få en full omvisning av rederiet ombord i det siste nybygget fra Ulstein Verft.
Ulstein Rotaryklubb fekk invitasjon til å kome om bord i National Geographic Resolution, som vart overlevert frå Ulstein Verft til Lindblad Expeditions Holdings Inc. den 30. september i år. Ekspedisjonscruiseskipet, som har isklasse og som er designa med X-BOW®-løysinga, reiser på jomfrutur den 17. november til Antarktis, Sør-Georgia og Falklandsøyene.
Skipet har ei moderne og delikat innreiing og dei 126 passasjerane om bord vil kunne innta eit betre måltid og nyte det arktiske lyset frå hovudrestauranten, som har vindauge som går frå golv til tak, eller på det utandørs grill- og bistrområdet.
Spa- og treningsområdet inkluderer eit yogarom, behandlingsrom, saunaer, eit treningsrom og eit avslapningsområde. I tillegg har skipet på toppdekket boblebad med glas i endeveggen for å gi uhindra utsikt bakover og to spektakulære glas-iglooar der ein kan overnatte. Om passasjerane ønsker å slappe av er det eit yogastudioet bak på dekk 8 med store glas som gir passasjerane moglegheit til å nyte naturen medan dei held på med yoga.
Det var nok fleire av dei frammøtte rotarianarane som drøymte om å få bli med dette vakre skipet på ein ekspedisjon.
Omvisinga vart avslutta med at presidenten overrekte Per Eide si bok «Lost in Norway» til reiarlaget som takk.
Meir informasjon om skipet finn du her:
https://ulstein.com/news/next-lindblad-polar-cruise-newbuild-delivered-from-ulstein
Rederiet sin engasjerte prosjektleder viste oss gledelig rundt i det flotte skipet, her sammen med President Thor Martin Eidem.
Kapteinen ombord gledet seg til å sette kurs mot Antarktis.
Referat: Ingunn Hestnes (Sekretær) / Foto:Jan Einar Saunes
