Vi har
overlevert første byggetrinn av Rotaryhagen!
Måndag før 17.mai hadde vi eit langt dugnadsmøte i Rotaryhagen i Holsekerdalen 20 for å klargjere hagen til feiringa. Flaggstanga var alt på plass, og dei vel 20 kumringane vi skulle plante i var utplasserte og malte, og i ein del av dei var det fylt grus i botnen. På ein kveld skulle det fyllast på grus, leggast duk, så fyllast på jord før alle ringane skulle fyllast med jord og planter. Otto Kjetil og eg var litt urolege for om det ville kome nok folk til å få landa prosjektet, men Rotarianarar møter opp og står på når det gjeld, og hagen vart ferdig og veldig fin!
Vi er også svært takksame for arbeidet «Til hjelp for andre»-klassene ved Ulstein ungdomsskule har gjort. Flinke jenter har møtt opp og har hjelpt oss med å male kummane, med å fuge med silikon for å hindre jord i å renne ut av beda, og med å fyle på grus og jord og plante. Så flinke og blide jenter skal ein leite lenge etter!
Når det endelig bløma i alle ringar, fekk eg æra av å overlevere hagen til leiar av Holsekerdalen 20, Gunn Hofset og til brukarane. Dei takka oss for den nydelige hagen, og inviterte oss på kaffi og kaker.
Lidun Hareide
President
Sjå også egen sak i Vikebladet Vestposten:
Gjennom valfaget «Innsats for andre», har elevane møtt på dugnadane ved Holsekerdalen 20 og gjort en fantastisk innsats! Live Kristiansen (f.v.), Anette Håskjold og Thale Henriksen
