Ulstein Rotaryklubb gir
ein vakker og tenleg hage til Holsekerdalen 20 i Ulsteinvik.
Første byggetrinn
VART overlevert 10 mai 2021
Ulstein Rotaryklubb ønskjer å gi ein vakker og tenleg hage
til Holsekerdalen 20 i Ulsteinvik. Holsekerdalen 20 er eit fantastisk
leiligheitskompleks for eldre, der servicenivået endrar seg saumlaust frå at
brukarane greier seg sjølve – opp til sjukeheimsstandard ettersom behova deira
endrar seg. Dette er eit nytt og nydelig bygg, med stilrein arkitektur, gode
leiligheiter for dei eldre som bur der, store, lekre fellesareal, og ein stor,
fin terrasse (altan). Vi i Ulstein Rotaryklubb synest at bygget, bebuarane og
dei tilsette fortener ein vakker, raus og velfungerande hage, der ein kan glede
seg over frukt, bær, roser og pionar. Ein hage som kan stimulere sansar og
minner, men som også kan fungere som motivasjon til å rusle seg ein liten tur, og
der det er tilrettelagt for koselege sitteplassar.
Kart over Holsekerdalen 20
Utearealet i
Holsekerdalen 20 var asfaltert for at det skulle vere lett å ta seg fram med
rullestol og rullator. Før vi sette i fang, vart det gjennomfrt ei
spørjeundersøking mellom bebuarane om kva dei ønskte seg i ein hage, og dette
var svara:
· Flaggstang
· Roser
· Frukttre
· Bærbusker
· Rhododendron
Før renovering:
Utearealet sett mot aust mot porten
Utearealet sett mot vest
GJennomføring/byggetrinn 1:
Vi har engasjert Hiljerd Holt Myrene til å teikne hagen i
tråd med bebuarane og dei tilsette sine ønsker. Det aller første som kom på
plass i hagen er flaggstanga, akkurat i tide til alle flaggdagane i mai.
Otto Kjetil og Bjørn Eldor Nytun har akkurat reist
flaggstanga
I tillegg set vi i fyrste byggetrinn ut benkar, og planter
roser, pionar, rhododendron, hortensia, bærbusker, frukttre liljer og
sommarblomar. For å ta vare på asfaltunderlaget, har vi valt å sette opp
gråmalte kumringar i ulike storleikar, og fylle desse med singel, jord og
planter. Til å male kumringane, fuge overgangen mellom ring og asfalt og til å
fylle dei med singel, fekk vi svært god hjelp av ungdommar ved Ulstein ungdomsskule
som har faget «Innsats for andre». Heile 20 jenter møtte på dugnad på tysdagen,
og to på laurdag, og vi er svært takksame for den flotte innsatsen jentene
gjorde!
Ingunn Hestnes fyller singel i kumringane
Arnfinn Godø, Synnøve Riise og Lidun Hareide hadde det
kjekke oppdraget å handle blomar for 50 000 kroner. Ein stor hengar og
Lidun sin bil vart fylt med blomar, som snart skal plantast ut i kumringane.
No
står det att å fylle jord i kummane og plante i, så Holsekerdalen 20 får ein
blømande hage til 17.mai! Men dette er berre første byggetrinn, så nos tartar
arbeidet med å samle inn pengar til neste byggetrinn, som blir plantekasser og
benkar langs veggane, utestue og område til kvardagsrehabilitering. Har du lyst
å bidra, kan du støtte oss på spleis.
|
Sponsorer Rotaryhagen byggetrinn 1
|
|
|
Ulsteinvik, Hasund/Sundgot og Haddal
Sanitetsforening
|
50 000,00
|
|
Rotary District Grant
|
30 000,00
|
|
Sparebank 1 Søre Sunnmøre
|
100 000,00
|
|
SPLEIS Sparebank 1 (fra beboere i Ulsteinvik)
|
|
|
Sparebanken Møre (venter på svar)
|
|
|
180 000,00
|
|
|
|
|
|
|
|
Aurvoll & Furesund
|
Transport
|
|
Ulshav
|
Kasser, benker og arbeid
|
|
Dugnadstimer Ulstein Rotaryklubb
|
|
|
Dugnadstimer Ulsteinvik Ungdomskule
Hageland Tilseth, Volda
Pekas, Gurskøy
OBS Bygg Ulsteinvik
|
|
Referat og bilder: Lidun Hareide (President URK)
