Nyhetsdetaljer | Ulstein Rotaryklubb

MEDLEMSPRESENTASJON - HEGE LONGVA

Hege Charlotte Longva heldt eit særs interessant medlemspresentasjon som omfatta både familiebakgrunn, utdanningsløp, fritidsinteresser og si satsing på appen NOA (Notice of Attendance).

Denne appen blir per dato i hovudsak nytta i høgare skulenivå, der kundemassen er i stadig vekst. Dette har Hege jobba med ved sidan av jobb i 4 år og 100% det siste året. Den har fått god utteljing så langt og selskapet har ambisjon om å bli langt større, med utviding mot privat sektor. Ho skryt av gode medarbeidarar og støttande investorar som har vore med på å gjere denne suksessen mogeleg.

Vedlagt presentasjon

Hege presenter NOA

Hege veit å nyte det gode liv

Presidenten takkar klubbmedlem Hege for spennande foredrag

President Stig Ole Borgundvåg ga oss ein forsmak av neste møte som skal handle om kunstig intelligens (AI). Han viste eit bilete av Ulsteinvik sentrum sett frå sjøen og teikna inn både skyskraparar, utviding av eksisterande bygg, vindmøller og cruisebåtar etter AI sine forslag i Adobe sin nye betaversjon. Dette var både fasinerande og skremmande på same tid.

Forsmak av framtida med AI, kan vi framleis stole på det vi ser og høyrer?

Gladmeldingar/informasjon:

· 2 hospitantar ønsker å bli tatt opp som fullverdige medlemmar i klubben: Monica Småge Skeide og Steven Pushparajah Karunasamy. Seremoni planlagt på krabbefesten 29.09.23.

· Ulstein Rotaryklubb har fått oppdrag med strandrydding i området Ulstein/Flø med eit kjærkome bidrag til klubbkassa på kr. 7.500,-. Vi finn ein laurdag med godt ver til denne aktiviteten.

· Presidenten minte om utsendt teaser knytt til planlagt krabbefest i Kjelsvika i Gursken 29. september. Bindande påmeldingsfrist: 22.09.23.

· Det blir ein spennande valkveld for ikkje mindre enn 5 av våre medlemmar som står på kandidatlister i kommunevalet. Lykke til!