Kystverket
Tema for
kystdirektøren sitt foredrag denne kvelden var Kystverket si verksemd, Stadt
Skipstunnel og Kystverket som aktør for havorvervaking og oljevernberedskap.
Kystdirektøren
innleia sitt foredrag med å minne om at Noreg er ein betydeleg havnasjon og at velferdsstaten
vår er tufta på ressurssane i havet og hamnene våre. Noreg sine havområde er 7
gongar så stort som landarealet vårt. Heile 90 % av importen og eksporten til
landet går via sjøtransport.
Hovudmåla
til Kystverket er:
·
Framkome – sikre betre framkome for
personar og gods i heile landet
·
Transportsikkerheit – redusere talet på
transportulykker
·
Klima og miljø redusere
klimagassutsleppa
·
Beredskap mot akutt forureining –
hindre og avgrense miljøskade ved akutt forureining, eller ved akutt fare for
slik forureining.
Kystveket
si verksemd
Kystverket
er ein transportetat som ligg under Nærings- og fiskeridepartementet.
Deira
hovudansvar er å syte for for sikker og effektiv ferdsel i farleier langs
kysten og inn til hamner, og sørge for ein nasjonal beredskap mot akutt
forureining. Verksemda er samla i fagmiljø/
funksjonar under same leiing og med eit solid fotavtrykk i heile landet.
Dei
viktigaste oppgåvene til Kystverket er:
·
Utvikling
og vedlikehald av farleier
·
Fyr- og
merketenester
·
Trafikksentraltenester
·
Lostenester
·
Meldingstenester
og navigasjonsvarsel
·
Statleg
beredskap mot akutt forureining
·
Utgreiing
og transportplanlegging
·
Hamnesikkerheit
(ISPS)
For
å løyse desse nasjonale oppgåvene, samarbeider Kystverket breitt med andre
offentlege etatar med ansvar for sikkerheit, transport og beredskap på
avgrensande område. Desse etatane inkluderer mellom anna
Politiet, Sysselmannen, Toll, Økokrim, Sjøfartsdirektoratet og
Fiskeridirektoratet med fleire. Kystverket er også særs aktive i internasjonalt
arbeid innan deira fagfelt.
Kystverket
har ansvaret for 22 000 navigasjonsinnretningar langs kysten, som er heilt
sentrale for sjøsikkerheita. Desse innretningane krev mykje vedlikehald. For å
redusere sitt ULSTEIN ROTARYKLUBB Stifta 1963 klima- og miljøvavtrykk er
navigasjonsinnretningane laga av kompositt materiale, har ledlys og blir drivne
av solceller.
Rederiverksemda
til Kystverket har også hybridfartøy, som kan gå opptil 10-14 timar på batteri.
Losverksemda
til Kystverket har lang tradisjon og feira 300 år i fjor. Det er losplikt i Noreg og lostenesta er ei
brukarfinansiert ordning,som kvart år gir kring 900 MNOK i inntekter. Det er
300 statslosar i Noreg som utfører omlag 40 000 oppdrag i året. Det er 25
losstasjoner plassert langs heile kysten i Noreg, og tenesta er operativ 24
timer i døgnet, heile året.
Oljevern
og miljøberedskap
Kystverket
har ansvaret for staten sin beredskap mot akutt forureining. Formålet med
beredskapen er å verne om liv, helse, naturmiljø og næringsinteresser til sjøs
og på land.
Kystverket
har vaktlag som er på 24/7 og kan spele på mange ressursar langs kysten,
derunder depot langs kysten, tilgjengeleg skip på Svalbard og fleire
interkommunale utval. Kystdirektøren erfarer at skipa som ferdast langs kysten
vår har fått betre standard og i tillegg er det betre navigasjonsstøtte, utstyr
og skipsberedskap.
Ved
hendingar som inneber fare for eit stort tilfelle av akutt forureininga kan
Kystvekret setje statleg aksjon – det inneber at staten ved Kystverket hanterar
aksjonen, og tek leiinga av aksjonen både på sjøen og istrandsona. Kystverket har i slike tilfelle mynde til å pålegge
verksemder og kommunen om å stille utstyr og personell til rådigheit.
Trass
i at utviklinga er positiv, har det likevel vore fleire dramatiske redningsaksjonar
dei siste åra. Kystdirektøren viste mellom anna til
Northguider (havari ved Svalbard), Helge Ingstad, Viking Sky og Eemslift
Hendrika. Dette var alle dramatiske havari, med stor risiko for både
menneskeliv og miljøet.
Kystverket
er også ein sentral aktør i BarentsWatch som er havovervaking i nordområda. I dette samarbeidet inngår ti departement over 20
forvaltningsetatar og forskingsinstitutt. Målet er å gjere offentlege data
tilgjengelege for myndigheiter, næringsliv og enkeltpersonar, slik at norske
hav- og kystområde kan forvaltast på ein effektiv, berekraftig og godt
koordinert måte.
Stadt
Skipstunnel
Kystverket
er byggherre for arbeidet tunnelen som vil styrke skipssikkerheita og
regulariteten til sjøtransporten langs kysten. Stadthavet er blant dei mest
værutsette og farlegaste havstrekka i Noreg. Dette sikkerheitstiltaket vil ha
store ringverknader også for næringslivet.
Det
er 19 potensielle hovudentreprenørar og enno fleire underleverandørar. Dette vil vere ein stor jobb der ein mellom anna må
legge om eksisterande vegar, bygging av konstruksjonar i tillegg til arbeidet
med sjølve tunnelen. Ei utfordring er korleis ein skal løyse mottak på land av
dei enorme massane ein skal ta ut frå fjellet.
Planen
er at arbeidet skal lysast ut på anbod i løpet av 2. halvdel av 2022 med
byggestart i slutten av 2023.
Ulstein
Rotaryklubb, ved president Thor Martin Eidem, takka Einar Vik Arset for eit
særs interessant foredrag, og avslutta med å overreke ein blomsterbukett til
kystdirektøren.
