President i Ulstein Rotary - Bjørn Gunnar Tafjord takkar Idar Flø for et svært spanande foredrag!
Idar Flø Idar Flø frå
Norwegian Centre of Maritime Communication (NCMC) fortalte om ei spanande teknologireise frå 1992 fram til i dag. Reisa starta i Ship Equip, ei teknologibedrift som satsa på TV til båt, og
som leverte stort sett det som var av TV til skip. Dei var dei første som leverte
tovegsinformasjon basert på satellitt. Den mest prominente kunden var Kong
Harald, som skulle til Spania og segle regatta, og trengte verinformasjon.
Dette selskapet vart selt i 2005, og i 2011 vart det selt vidare til Inmarsat.
16.4.1999
skulle Idar fikse noko om bord i ein båt på Skarbøvik Slipp, fall 15 meter ned,
og vart funnen flytande i vatnet med andletet ned. Dramatikken var ikkje over
med dette, Flø var også om bord under brannen om bord i hurtigruta Nordlys. Eit
brannoljerør hadde rista laust, og utløyste ein veldig konsentrert og intens
brann. Brannen var dramatisk, to personar døde, og skipet heldt på å velte.
Passasjerane gjekk i livbåtane like ved Ålesund. Etter dette vart det utvikla
ein ny standard for kommunikasjon for hurtigrutene, og Flø leverte varslingssystem og alarmsystem for ca. 10 millionar kroner.
NCMC sitt
hovudprodukt er SEA ERN, eit kommunikasjonskonsept som skal ivareta alle
kommunikasjonsutfordringar som finst ombord i et moderne skip. For å få
eit optimalt samband, koblar ein saman VSAT, FleetBroadband, Iridium Pilot, ICE and GSM Data. Sambandet kan nyttast til ei rekkje
kommunikasjonsføremål, som vist på plansjen.
Eit av
produkta til NCMC er SEA EARN video &medic solution, som i følgje Flø er
den einaste telemedisinløysinga som fungerer over lavare satellittbandbreidde.
Produktet er utvikla i samarbeid med Radio Medico ved Haukeland sjukehus, og tillet videoløysing der medisinsk personell
på land kan guide båten sin medic både med diagnostisering og i medisinske
prosedyrer. I tillegg leverer firmaet utstyr for intern og ekstern kommunikasjon
på fiskefartøy. Til dømes har dei til
Rav (Peder Hempsø) levert eit system kalla «virtuel window», der
strategisk plassserte kamera gjer at ein frå brua har kontroll med alle viktige
operasjonar som foregår. Rav har heile 52 kamera plassert rundt om på båten.
NCMC samarbeider
også med Sintef om innsamling av data frå fiskeflåten for meir effektiv fangst
og betre bestandsestimering gjennom SEA ERN Ocean Intel: intelligent Ocean
resource Monitoring. Dette produktet gir ei oversikt over resursane i havet i
sanntid, gjennom å bruke data frå samtlege norske fiskebåtar heilt ned til 11
meter. Det finst 1124 båtar i Norge som kan vere med i konseptet. Prosjektet lagar
ein fiskeriportal der ein ser all aktivitet frå alle båtane i sanntid. Systemet
kan også nyttast til å måle mikroplast og miljøgifter i havet – og til å lage
ein lage ein kunnskapsbase. No skal det lagast ein kunnskapsbase for heile
Nordatlanteren, og ei demonstrasjonsløysing
til ESA.
Referat: Lidun Hareide/Sekretær
