Skulane i Ulstein er Norges beste i Teknologi-satsing!
Marianne Ulstein Johnston og Gry Osnes Nordal heldt ei god orientering om teknologiskulen til Ulstein Kommune.
Presidenten ønskte medlemmane og Gry Nordal (kommunalsjef oppvekst og kultur) og Marianne Ulstein Johnston (rektor på Hasund skule) velkomne. Nordal og Johnston var invitere til å snakke om teknologi satsinga i Ulstein skulen «Ulstein modellen».
I Ulstein kommune har Hasund skule vore ein pilot i teknologisatsinga, og Nordal meinte at Ulstein Johnston er den fremste teknologi-rektoren i kommunen.
Ulstein kommune har gjennom prosjektet Teknologiskulen hatt fokus på å utvikle kompetente born og ungdom for ei ny tid.
Kommunen ønsker å legge til rette for at oppveksande generasjonar kan verte premissleverandørar og produsentar av teknologi, meir enn berre konsumentar av den same teknologien. Dette krev innsikt og forståing av dei prosessane som driv teknologien.
Teknologiskulen vil sikre at alle born får den same grunnundervisinga og kompetansen innanfor fag som programmering/koding/teknologilæring.
Dette er ein kompetanse som er etterspurt både av bransjeorganisasjonar og næringsliv.
Gjennom Teknologiskulen vil elevane frå 1-10 klasse frå innsikt i korleis teknologien rundt oss fungerer, korleis ein kan løysa problem med denne teknologien og korleis ein kan skapa ny teknologi. All undervising er kopla tett opp mot læreplanar og læringsmål i skulen. Programmering er eit nøkkelomgrep i Teknologiskulen. Programmering er innført som eit verkemiddel som skal løyse oppgåver på tverrfagleg basis.
Ulstein kommune har eit tett samarbeid med Høgskulen i Volda om prosjektet, som består av 3 hovudsøyler:
Teknologi skal vere eit verktøy for å oppnå betre
Alle elevane i grunnskulen skal ha kjennskap til teknologi og utstyr, uavhengig av kva skule dei går på
Kompetanseheving av pedagogisk personale
Satsinga til Ulstein kommune er kostbar, og ein har fått tilskot og prosjektmidlar frå mellom anna Utdanningsdirektoratet. Nordal viste til at ein ikkje hadde lukkast med prosjektet om ikkje satsinga hadde ei politisk forankring.
Ein annan føresetnad for å lukkast er at ein har dedikerte ressursar (2 årig prosjektstilling), at ein har samarbeidspartnarar både sentralt og lokalt.
I tillegg er det viktig å ha eit klårt mål og ei meining med det ein set i gang.
Det har vidare vore heilt nødvendig å få heva kompetansen til lærarane og få dei til å verte positive til prosjektet og bruk av teknologi.
Det var ein viss skepsis hjå enkelte lærarar i starten, men dette har gått seg til.
Ulstein kommune har nedsett ei prosjektgruppe der mellom anna Rolls-Royce , Ulstein, Kleven og Island Offshore har vore med.
I tillegg har ein hatt samarbeidspartnarar som IKT Norge, Utdanningsdirektoratet, «Lær Kidsa Koding», og som tidlegare nemnt, Høgskulen i Volda.
Erfaringane med prosjektet, som starta i 2015, er positive, og Ulstein modellen har fått mykje blest i Noreg.
Prosjektet har vist at ein får motiverte elevar som opplever meistring. Nordal og Johnston viste ein film som 10 klassingane hadde laga, som viser korleis elevane jobbar med koding og programmering.
Johnston hadde også teke med seg diverse utstyr som ho viste fram.
Ulstein kommune er glade for at Ulstein vidaregåande skule no har etablert ei eiga teknologilinje, som ein følgje av teknologi satsinga i grunnskulen.
Presidenten takka Nordal og Johnston for ein spennande presentasjon og delte ut blomar.
Det vart ein sterk kveld i Hareidhallen då Hege Lundin Kuhle, dagleg leiar i Stiftinga Organdonasjon i Oslo og hjartetransplanterte Vinjar Vikanes frå Ulstein orienterte om kvifor organdonasjon er så viktig.
Vi fekk besøk av dagleg leiar i Astanel AS, Jan Arild Roppen. Han fortalte om Hellesylt Hydrogen Hub der han er prosjektleiar. I tillegg presenterte han Flakk Gruppen AS og selskapet sitt Astanel AS.
Bedriftsbesøk og Intercitymøte i regi av Herøy Rotary.
CEO Svein Rune Gjerde holdt et flott foredrag om den lange historien og dei ulike prosjekta til Marin Teknikk AS.
Vi var så heldige å få en flott omvisning ombord i det siste polare cruseskipet til Hurtigruten som både er designet og bygt lokalt, av henholdsvis Kongsberg Ship Design, og Kleven Verft.
Vi fekk også flott omvisning på verft & bedriftsmuseet til Kleven.
